牧羊少年咖啡館 (屯門市廣場1期)

營業中

休息中

名氣大卻令人失望的餐廳，下午茶等位期間，我要等6個籌，期間不斷有客人離開，都竟然等足45分鐘，唔怪之得門口永遠排長龍，入客的速度極慢。我叫左個薄餅下午茶，個侍應通知你話食物未到前唔好除口罩，飲品一早就到，我等到杯飲品啲冰溶晒食物都未嚟到，等左25分鐘薄餅到，竟然係烘到硬晒既餅乾薄餅，仲要用隻細細既碟上菜，兩片薄餅又切唔開，惟有用叉拮開，一拮就飛出碟，可見片薄餅真係又硬又乾，片餅上面又唔係多餡，總之就係唔想再去既餐廳。