甜圓坊

營業中

休息中

今日嚟左深水埗買布，因為要等布車好嘅關係，要等一個鐘，就諗住去冰室坐下，點知未行到就見到依間台灣嘢食嘅鋪頭，因為太攰，所以就入左去坐。叫左碗嫩仙草奶凍，因為印象深水埗好似好多好食嘅芋圓鋪頭。不過依碗嘢唔算太特別，正正常常咁，糖水唔太甜，啱曬唔鐘意太甜嘅我。芋圓唔算大粒，咬口一般，不過25蚊可以坐工休息下都真係唔錯嘅。另外，見入嚟嘅人好多都叫拌麵食，而且真係幾香，唔同佢岀色嘅係拌麵。價錢唔貴，如果行到攰想休息下都ok de。