醉鮮靚湯特色粉麵

營業中

休息中

呢家嘢新開約個幾月，湯底的確唔差，有魚湯、豬骨湯底揀，最正系加三蚊，加蕃茄薯仔湯底 (另又有粟米蓉、南瓜蓉，但冇試過。) 因為個人喜好，一向大愛蕃茄薯仔湯，呢度啲味同媽咪煲一樣夠味，如果邊個同我一樣，應該會好滿意。仲有，唔系度度飲到嘅薏米水，我都好like。如果鍾意呢啲味道，你會好鍾意呢間嘢，但講明呢度食物選擇唔算多，例如薏米水之外，唔會有奶茶咖啡檸茶檸水，只有汽水，所以唔啱食可能會馬上走頭都唔定，一餐飯就見兩pair人坐低睇完餐牌唔落單即閃，可能唔啱食啩。不過，個人認為應該俾吓機會呢間嘢，起碼我今次叫嘅«豬扒泡飯魚湯底加蕃茄薯蓉湯»，豬扒唔太乾身，飯軟硬適中，湯底講咗啦…好味道。補充，呢間嘢個餐牌都有少少唔易明，咩餸搭咩湯吓吓要店員解釋，應該洗少少錢印過執靚佢囉。