海記合桃坊甜品 (已結業)

好耐之前經過太子,都經過海記合桃坊甜品, 但一直都未試過,今日去太子行街終於都試左喇~可能係晏就所以都冇咩人食~2個人分別點左芒果腸粉同紫霞仙子~點左5分鐘都冇就已經有得食, 真係好快手~<紫霞仙子>個名改得好好聽, 依個甜品其實係椰汁紫米露+丸子+生果+香芋雪米糍~依個配搭,原來係好好味, 紫米露唔係太甜有咬口, 丸子入口煙韌, 生果都鮮甜, 食埋雪米糍真係涼浸浸~<芒果腸粉> 之前係其他甜品店都食過, 但覺得落得太多糖水所以好甜~但今次依個芒果腸粉, 做得幾好食, 腸粉皮做得較薄身,芒果肉好大舊同好鮮甜~芒果汁都唔會太多同過甜~依碟芒果腸粉份量十足,食完一條都有小小飽~ 多人share食就最岩喇~