食包 (已結業)

每次想食漢堡都會諗起喱間Winner Burger，地點非常方便，太子地鐵站C出口過條馬路就到，門口好易認，見到一片橙黃色招牌就係啦💛餐廳入面有幾個位可以堂食，裝修光猛舒服，地方又乾淨，仲經常有唔同嘅打咭位。餐廳用開放式廚房，可以望住師傅整。今次同朋友就揀咗兩款唔同嘅漢堡試下😋👍🏻WB經典漢堡 （可選牛/豬）喱個漢堡我每次都必點，通常我都會揀牛。漢堡配料非常多，有蕃茄、煎流心蛋、芝士片、生菜、漢堡扒、配WB經典醬，通常我自己都會加$5要多塊大菠蘿，成件事會再fresh啲🤤。煎蛋煎得啱啱好，咬落去會有蛋汁流出，加埋塊牛一齊食真係好正😚牛肉非常厚實，牛味好濃郁，好juice，仲有少少焦香味添，極邪惡😝👍🏻喱個包我肚餓嘅話真係會encore多個🤣肉醬熱狗 （可選原味熱狗腸/匈牙利辣腸）茄汁韓辣醬非常惹味，熱狗腸非常香脆，唔想食到咁飽嘅朋友可以試下😚👍🏻青山炸雞無諗過套餐配嘅炸雞會咁好食，雞塊炸得好好，炸粉夠薄，入面仲保留到雞嘅肉汁。我自己覺得炸雞係套餐必配，份量又夠多😋👍🏻洋蔥圈炸得非常香脆，內裏新鮮多汁👍🏻