食包 (已結業)

餐廳裝修風格都好得意，用點陣圖設計做牆壁，螢光黃色大玻璃做open kitchen，可以睇到廚房整漢堡包。堂食只得兩張高台，主打做外賣。除咗漢堡之外熱狗同小食，全部都係即叫即製。買漢堡可以加$18轉套餐，套餐包小食同飲品，樽裝飲品就另加$3芝士菠蘿雞堡 $68（芝士片、生菜🥬、菠蘿片、炸雞扒 配 WB經典醬）炸雞同菠蘿包超夾，厚厚嘅炸雞扒，外脆內嫩，菠蘿🍍雖然係罐頭，但Juice又甜，一齊食好夾，好好味。下次要encore。黑松露煙肉牛堡 $88（蕃茄、煎流心蛋、芝士片、煙肉、生菜、牛肉漢堡扒 配 黑松露醬）太陽蛋果然真係流心，一咬爆漿，食嘅時候要小心。黑松露醬味道突出，惹味得嚟唔會搶過牛肉味。好多材料，好滿足。香草藍芝士薯寶 炸薯餅中間夾住藍芝士醬，好香，有粒粒薯仔溶口感。原味炸雞翼 炸到香脆裏邊雞肉好Juice，唔會太鹹。