影片
更多
2023-02-12
318 瀏覽
📌 川吧 - 太子基隆街30號地舖🗓(12/2) 星期日 ⏰ 下午3:30左右 🌐網址: https://s.openrice.com/QrbS0uS4B00~ueeoDBA💈特式：近兩日天氣好潮濕，最適合食d辣川菜醒下神，今日下午茶時間就去到太子旺中帶靜嘅基隆街，呢頭都有唔少被受推介嘅餐廳，我今日就去左間係呢區新開無耐嘅川菜同大家試試。🥩🍔🌭🌮🥗🥯🥘🍲🍝🍣🥟🍤🍱食物：我鐘意食烤魚嘅程度去到連下午茶都想食，店長亦介紹佢地嘅烤魚係招牌菜，咁就啱晒我了，味道佢地就推介秘製嘅鮮青花椒味，而家等我同大家講下🐟味道先。鮮青花椒烤魚 - 佢地有清江魚同鯇魚選擇，我本身就食開清江魚，但店員就推介可以試下鯇魚，因為鯇魚係剛剛新鮮買貨返嚟，而家大大條。一上枱已經見到條鯇魚好大條，仲長過個盆一大截，淨睇魚眼/魚皮已經知道條魚好新鮮，食烤魚條魚新鮮真係最緊要，入口個種鮮味係雪藏魚無得比的，條鯇魚除左新鮮，而且肉厚嫩滑又夠魚油香，鯇魚仲有一個好處就係極少細骨，食得特別方便。鮮青花椒口味就係比較清香嘅辣，但因為同行友人唔係太食得辣，所以叫左小辣，我就覺得如果再辣d應該會更惹味，如果鐘意花椒個隻將口麻痺嘅感
🗓(12/2) 星期日 ⏰ 下午3:30左右
🌐網址: https://s.openrice.com/QrbS0uS4B00~ueeoDBA
💈特式：近兩日天氣好潮濕，最適合食d辣川菜醒下神，今日下午茶時間就去到太子旺中帶靜嘅基隆街，呢頭都有唔少被受推介嘅餐廳，我今日就去左間係呢區新開無耐嘅川菜同大家試試。
🥩🍔🌭🌮🥗🥯🥘🍲🍝🍣🥟🍤🍱
食物：我鐘意食烤魚嘅程度去到連下午茶都想食，店長亦介紹佢地嘅烤魚係招牌菜，咁就啱晒我了，味道佢地就推介秘製嘅鮮青花椒味，而家等我同大家講下🐟味道先。
鮮青花椒烤魚 - 佢地有清江魚同鯇魚選擇，我本身就食開清江魚，但店員就推介可以試下鯇魚，因為鯇魚係剛剛新鮮買貨返嚟，而家大大條。
一上枱已經見到條鯇魚好大條，仲長過個盆一大截，淨睇魚眼/魚皮已經知道條魚好新鮮，食烤魚條魚新鮮真係最緊要，入口個種鮮味係雪藏魚無得比的，條鯇魚除左新鮮，而且肉厚嫩滑又夠魚油香，鯇魚仲有一個好處就係極少細骨，食得特別方便。
鮮青花椒口味就係比較清香嘅辣，但因為同行友人唔係太食得辣，所以叫左小辣，我就覺得如果再辣d應該會更惹味，如果鐘意花椒個隻將口麻痺嘅感覺，我建議可以特登咬下d花椒粒，勁爽呀。
☕️🍵🥤🧋🍺🍷🥃🍹🧉🍾🍶🥛
飲品 : 飲品就有普通罐裝汽水/椰汁、仲有津路烏龍茶，酒類就有常見嘅啤酒/黑啤，仲有成支VSOP都可以叫。
🍽環境：餐廳環境開揚光猛，因為新開無耐，地方乾淨企理，佈置上就偏向簡潔為主，再帶少少中式風格，冷氣足夠，唔會食食下好熱。
🤵🏻🤵🏻♀️🤵🏻♂️服務：店員服務都唔錯，因為我去到既咁啱仲係佢地落場時間，佢地仲準備緊食材之類，但店員都唔會話趕客，仲話剛好已做完清潔，可以入餐廳坐陣等等，期間會奉上茶水叫我地休息下同睇下餐牌先，亦會介紹定餐廳嘅招牌食物同當日有咩新鮮食材等等。
💰💸價錢：本身想叫原條鯇魚，但店員話鯇魚係偏大條，兩個人食大半條都已經夠，咁就叫左大半條先，但都已經飽到晚餐都唔洗食，只係$238，論烤魚嚟講認真抵食。
🐲💬總結：同我一樣鐘意食烤魚嘅朋友，我建議可以試下呢間，而且佢地用新鮮鯇魚，加埋調味都好正，一試難忘。
推薦指數：❤️❤️❤️❤️❤️
鮮青花椒烤鯇魚
$238
3 瀏覽
0 讚好
0 留言
張貼
