Goobne Chicken (M88) (已結業)

Goobne 烤雞做得確係好味，而且無咁多炸粉，無咁多油，醬汁都塗得好均勻，雖然呢度環境裝修普普通通，不過我認為雞肉好味就掂。後話: 可惜食完Goobne烤雞回家後，感到口渴無比，飲咗好多好多水都未能止渴，味精實太多，真係過多，令原本看似健康又好味嘅烤雞大打折扣，韓式炸雞店都試過好多間，都未有如此強烈嘅味精，管理層真係要好好反思下，今次俾劣評，希望會改善。以下係唔知道有味精嘅情況下作出嘅食評，不能作準。