果子｜海南雞飯·喇沙摻摻 (啟昌樓) (已結業)

太耐冇食過新馬菜，難得同屋企人黎到太和，就幫襯下呢度出名既街坊愛店「果子」喇。周末好多一家大細黎幫襯，都要等10分鐘左右先有位。Lunch set包一杯野飲，我地加錢轉特飲，再加小食。我當然必選海鮮叻沙摻摻$63海鮮配料豐富，有2隻大蝦、4隻蜆、魚蛋、豆卜，湯底唔太辣，岩香港人口味，摻摻有油面加米粉夠正宗，配上美碌恐龍，完全解渴，加配既森巴醬通菜$20唔會太油膩，岩哂健康人士！屋企人嗌左香茅豬扒油面$52油面口感唔錯，唔會太軟/淋，豬扒唔會太厚，佢話炸得岩岩好，加配既吉列蝦$15都average，青檸梳打夠哂refreshing! 以人均$75黎講，呢間餐廳經濟實惠，性價比一流，難怪成為街坊愛店～