太吉 (已結業)

啲乖乖女🥰各自有大家嘅節目！所以我同老婆都要搵自己嘅節目！其實行吓街浪漫下都幾好㗎！老婆話要去上環買啲海味！行行吓已經到黃昏啦⋯⋯個肚有啲肚餓！搵食去也！夏天都冇乜胃口想搵啲香口嘢食下！刺激下味蕾⋯⋯最好食串燒細細件又容易食又香口！～～太吉～～鱈魚乾經過烤過後！非常鬆脆香口！柚子鹽枝豆外層大有柚子味嘅鹽枝豆！我都係第一次食！甜甜酸酸鹹鹹！好過癮⋯⋯吉列廣島蠔體積非常大！而且外層酥脆可口！肉質鮮甜！又食到原味！雞心雞腎可能經燒過後！非常鮮甜滋味⋯⋯食串燒一定要食烤蔬菜如果師傅做得好烤蔬菜！係可以保留蔬菜嘅甜味！呢度做得到👍明太子茶漬飯呢個飯一定要試吓！佢做得非常出色！飯粒煙韌！因為有明太子嘅關係！味道帶點鹹香！