太吉 (已結業)

👦🏻👧🏻去完西環影相，就黎到太吉呢間居酒屋醫肚！呢間居酒屋嘅串燒夠曬刁鑽，連雞腳筋、雞掌心都有！另外店員亦有細心介紹每款食物，加曬分！而家餐廳仲推出期間限定優惠，星期一、三、五有清酒75折優惠🍶，星期二、四有食物88折！🌟雞頸肉/雞腳筋/雞掌心 呢三樣雞既部位，出面比較少食到，雞頸肉嫩滑到難以想像；雞腳筋食落去好脆口；雞掌心食落就軟綿綿幾得意。🌟自家製免治雞肉棒自家製免治雞肉棒有嫩滑，有少量雞軟骨增加口感。🌟韭菜豚肉卷韭菜夠新鮮，配上豚肉唔會覺得Dry！🌟沖繩海葡萄沙律 海葡萄口感幾得意，咬落去幾爽口，配上沙律菜幾開胃。🌟蒜片牛舌 牛舌目測足足有1cm厚(至少！真係好厚），口感爽脆同有嚼勁，配上煎過既黑椒同蒜片，令到牛舌幾惹味。🌟白鱔 白鱔肉質細嫩，口感滑嫩又彈牙。表面稍微焦脆，內部仍然保持到柔軟既質地。🌟唐揚魷魚🦑呢個唐揚魷魚真係超值得一試！外層表皮炸到脆一脆，內裏魷魚肉質極致嫩滑，魷魚又夠粗身，呢一點真係攪到想叫多一碟！🌟日本青椒仔 青椒食落新鮮爽甜，配上木魚醉增添風味。🌟煙肉荔枝卷 煙肉荔枝卷呢個配合真係新穎，果種煙燻風味同荔枝清新互相結合，煙肉既鹹香同荔枝既甜味係口中交融，煙肉