Chatterbox Express (已結業)

黎到Chatterbox梗係要叫佢最出名嘅海南雞飯啊，另外在叫咗個新出嘅豬扒板麵配雞湯，再加多份小食六串串燒。海南雞飯一如以往，雞好滑，油飯好好味。不過呢個就唔係餐嘅，另外叫嗰個豬扒麵跟餐就有飲品，揀咗有機茶。豬扒板麵個豬扒有幾好食，好入味，同埋肉質鬆軟，個面嘅質地就偏硬一啲，有少少食唔慣。至於個串燒有啲喜出望外，豬牛雞三款都好食，每款有兩串。下次都會再叫呢款串燒。喺太古城呢一頭來講， Chatterbox嘅定價性價比都算高人均消費都係$100左右。而且環境都坐得舒服，乾淨企理，係一個唔錯嘅選擇。下次來會再試吓其他小食嘅款式。