丸丸 洋食居酒屋

營業中

休息中

難得今日去左太古城行街，因為太古城好大好多嘢行，夜晚搵咗間餐廳食飯。咁啱見到呢個位有間日式居酒屋，同埋見到佢有炸豬扒飯食好想試吓。我叫咗個A4和牛壽喜鍋配稻庭烏冬🩷🩷🩷🩷🩷今日天氣咁凍，梗係要叫返個壽喜燒鍋嚟打邊爐🤩佢除左和牛之外，另外有配咗個烏冬同埋蔬菜拼盤鍋加隻生雞蛋點牛肉食，令到和牛既肉質更加滑同嫩口。個牛味都好濃。另外叫左二段低溫油吉列豬排定食🩷🩷🩷🩷🩷熱辣辣上碟再加上外脆內軟既表皮，同埋裏面既豬排好鬆軟好味👍🏻同埋點埋佢個豬扒醬酸酸甜甜更加昇華。佢仲有配埋啲前菜開胃。佢個定食有跟個麵豉湯同埋白飯。最後我叫咗個甜品西京味噌焦糖布甸🩷🩷🩷🩷🩷原本個名以為好怪，因為正常味噌係有啲鹹鹹地，配埋個布甸好似有啲奇怪，但係出奇地食落去好夾。佢係微鹹既味噌再加埋甜甜地既焦糖同又滑好似雪糕既布甸，好正👍🏻配搭得好好，食完下次我都好想再試吓其他野食。同埋叫咗罐可樂同埋巨峰乳酸梳打黎飲解下滯。滿足嘅一餐。