彩福喜宴

營業中

休息中

一家幾口聚天倫飲早茶就真係一件好平常嘅事，淨係飲啖茶食個包，食蝦餃燒賣叉燒包等等等等，都食到悶悶地，今日發現到呢個天鵝鮑魚酥，就那那林點黎試吓！呢個鮑魚天鵝酥賣相一流，小朋友一見到就爭住食。好多呢類酥啲餡都只係羅白絲芋蓉，但呢個入邊係有鮑魚真係食起嚟口感又好又名貴，價錢都係$26咋，真係大人細路都鍾意。而呢一個黑松露賽螃蟹鳳眼餃都好好味，比起蝦餃，佢多咗啲菜同蛋白（即賽螃蟹），食起上嚟清新好多， $24咁嘅價錢都算係有新意同幾抵食。