影片
更多
2020-01-07
401 瀏覽
今日同老婆食完飯，出咗去食糖水，咁啱就搵到天水圍西鐵站附近有呢間糖水舖，我見住喺附近咁多年都冇去過，一於決定去試一試。呢間鋪位於天水圍西鐵站附近一條小路行落去，佔地都幾寬廣，唔似元朗區內一般糖水舖坐得咁逼。裝修我覺得幾有風格，有特色，絕對唔馬虎。呢間鋪主打係食窩夫，老婆最後喺好多隻口味入面揀咗呢隻蘋果肉桂窩夫（ $60），雪糕就揀咗芒果味。一上碟已經聞到好香，同埋睇落去整得幾靚。本身仲驚會中伏，之不過食落又幾有驚喜，蘋果同肉桂意外地夾，窩夫餅底就正常質素，強烈推介大家如果未食過，可以試一試呢個。本身食飽飯，唔係特別話想食熱嘢，但係見到隔離兩張枱都有食到呢碟雞翼尖，最後決定叫嚟試一試佢。食落真係幾辣幾頂癮，整得好入味，我覺得已經完勝元朗某間出名嘅糖水舖。抹茶活乳酸梳打（$32）雞翼尖食到一半已經覺得太辣頂唔順，咁就叫咗杯野飲。一上到枱覺得幾特別，杯中已經有抹茶粉，乳酸同埋梳打水就額外上，可以俾你自己到落去個杯，而唔係佢一早溝定俾你。呢間小店真係幾有驚喜，之後有機會都會去試多啲唔同款式嘅產品。
裝修我覺得幾有風格，有特色，絕對唔馬虎。
呢間鋪主打係食窩夫，老婆最後喺好多隻口味入面揀咗呢隻蘋果肉桂窩夫（ $60），雪糕就揀咗芒果味。一上碟已經聞到好香，同埋睇落去整得幾靚。本身仲驚會中伏，之不過食落又幾有驚喜，蘋果同肉桂意外地夾，窩夫餅底就正常質素，強烈推介大家如果未食過，可以試一試呢個。
本身食飽飯，唔係特別話想食熱嘢，但係見到隔離兩張枱都有食到呢碟雞翼尖，最後決定叫嚟試一試佢。食落真係幾辣幾頂癮，整得好入味，我覺得已經完勝元朗某間出名嘅糖水舖。
抹茶活乳酸梳打（$32）
雞翼尖食到一半已經覺得太辣頂唔順，咁就叫咗杯野飲。一上到枱覺得幾特別，杯中已經有抹茶粉，乳酸同埋梳打水就額外上，可以俾你自己到落去個杯，而唔係佢一早溝定俾你。
呢間小店真係幾有驚喜，之後有機會都會去試多啲唔同款式嘅產品。
張貼
