一糖 (屏山)

營業中

休息中

打完波又無到晚飯時間，食糖果啦老友。朋友帶我們去一間天水圍西鐵附近的糖品店。近村屋區又可以泊車，都好方便。👑榴槤皇子、桃膠椰皇燉蛋白女人唔補好易老，所以我兩位女仔朋友都叫椰皇燉蛋白。原隻椰皇上，好吸引。桃膠的份量多，鋪滿一整個椰子；榴槤蓉就捲成一個球，見到都想像到榴槤入口的香味爆發。蛋白就燉得好雪白，朋友話椰奶味香濃，有水準。我發現女人通常比男人大食，有個人連椰皇的肉都食到一乾二淨！👑黑糖珍珠仙草匯 這個糖品一人食太飽，仙草份量好多好多，吃極都仲有。相片照到無咁震撼，可能因為仙草黑色好”顯瘦”，實物好多。又有珍珠、薏米、紫薯蓉，豐富。👑鮮雜果蛋撻配紅棗茶定食有兩個白蛋撻，creamy 香蛋味的，又有鮮果及紅棗茶，性價比高。👑磨芝麻窩夫 綠茶雪糕 脆脆地又不硬，滿滿芝麻香，正喎！一共有4塊，其中兩塊焗有棉花糖，邪惡呀。仲有忌廉及雪糕球，非常邪惡。👑鮮芒果腸粉 - 一開始真的以為是酒樓的那一種蒸腸粉哈哈，以為我的朋友咁重口味。原來好好食，腸粉皮是滑啫啫的椰奶皮，入面包著芒果，又淋上芒果糖漿。作為芒果迷的朋友話超好食，等我下次又食先。