影片
更多
2019-03-11
66 瀏覽
元朗就知道出名多糖水多嘢食，所以次次黎呢區都主要去元朗食嘢。今日無意中係OpenRice度搵到天水圍呢度都有糖水舖！夜晚十點，因為唔熟呢頭，我哋揸車係附近搵咗一搵，有少少隱蔽，有條小路一落到去就見到個糖水舖！仲要有個好大嘅停車場，啱晒揸車黎嘅人！不過其實佢都好近地鐵站，（其實係正地鐵站對面）所以搭地鐵嘅人都好方便！間糖水舖個樣係好特別，係一間屋仔🤩，出面有啲塗鴉牆，所以日頭嚟應該可以影吓相🤣。估唔到有咁多款式嘅甜品糖水，仲有鹹點！而且外表都好靚，價錢都唔貴，好多都想試！最後我試咗佢哋呢度好似好出名嘅綠茶麻薯窩夫，朋友就揀咗朱古力心太軟。我哋每人再嗌左杯飲品，Oreo香蕉奶昔同埋白黃橙特飲。綠茶麻薯窩夫配朱古力雪糕 $50我最鍾意食麻薯，呢個窩夫係唯一有麻薯嘅，所以就揀咗呢個啦！有四件，分量多，而且仲配有紅豆同綠茶cream好足料。窩夫啱啱焗起，外層仲係好香脆，而相反入面有好多麻薯，所以好煙靱，外脆內軟。我覺得個窩夫蛋味都幾香，配埋綠茶味同埋配料加上雪糕，成個配搭好match。呢個價錢性價比高！朱古力心太軟配曲奇雪糕 $50一切開個心太軟啲朱古力就流晒出嚟，好治療😝朱古力味好Rich，啱
間糖水舖個樣係好特別，係一間屋仔🤩，出面有啲塗鴉牆，所以日頭嚟應該可以影吓相🤣。
估唔到有咁多款式嘅甜品糖水，仲有鹹點！而且外表都好靚，價錢都唔貴，好多都想試！最後我試咗佢哋呢度好似好出名嘅綠茶麻薯窩夫，朋友就揀咗朱古力心太軟。我哋每人再嗌左杯飲品，Oreo香蕉奶昔同埋白黃橙特飲。
綠茶麻薯窩夫配朱古力雪糕 $50
我最鍾意食麻薯，呢個窩夫係唯一有麻薯嘅，所以就揀咗呢個啦！
有四件，分量多，而且仲配有紅豆同綠茶cream好足料。
窩夫啱啱焗起，外層仲係好香脆，而相反入面有好多麻薯，所以好煙靱，外脆內軟。
我覺得個窩夫蛋味都幾香，配埋綠茶味同埋配料加上雪糕，成個配搭好match。呢個價錢性價比高！
朱古力心太軟配曲奇雪糕 $50
一切開個心太軟啲朱古力就流晒出嚟，好治療😝
朱古力味好Rich，啱晒我呢啲好鍾意食朱古力嘅人。而且都係啱啱焗起，所以熱辣辣配埋雪糕食，口感一凍一熱好正。而且估唔到仲有生果配料😂
Oreo香蕉奶昔 $35
我好鍾意呢杯野飲！（雖然好肥🙈）
因為平時出面oreo奶昔通常可能奶味都會比較重少啲曲奇味，但係呢杯見到顏色都知道佢曲奇味係好重㗎！而且曲奇同香蕉本身個味都好夾。所以食完甜品唔夠喉再飲番杯奶昔就好滿足啦！
白黃橙特飲 $32
賣相好靚！睇個名都唔知係啲咩😂其實應該係三種水果Mix埋嘅特飲 (好似係白桃芒果同橙🙈)，好清新，酸酸甜甜。啱唒食完d甜品解膩😆朋友就比較鍾意呢杯嘢飲啦。
哩晚好大雨但我哋揸車嚟冇濕過，真係好方便。而且唔好睇佢外表係間屋仔咁,其實佢入邊嘅裝修好新同埋坐得好舒服。
見到佢仲有好多甜品都好想試，價錢又唔貴，仲有一啲係冬天特別嘅甜品，而且仲有啲鹹嘅小食，見到其他台嘅客人都有食緊好似都唔錯，下次一定會再嚟食！
張貼
