一糖 (屏山)

營業中

休息中

今次嚟到天水圍站旁邊呢間街坊人氣小店「一糖」，見到佢地有中式同西式甜品，都幾多選擇！作為麻糬控，見到麻糬甜品就一定要試！🍌榛子香蕉麻糬牛角包窩夫配曲奇雪糕 $58牛角包窩夫一出場就被外層酥脆吸引住，內層煙靭得嚟帶少少牛油香，好有層次。夾埋超軟滑嘅手工牛奶麻糬，拉絲感滿分！配上榛子醬同香蕉，甜度啱啱好，曲奇雪糕為成個甜品加分，凍熱交融，勁滿足！🍵抹茶麻糬窩夫配綠茶雪糕 $60另一款抹茶窩夫走煙韌路線，外脆內軟，入面嘅麻糬煙煙靭靭，有嚼感。抹茶味香濃但唔會太苦，仲有大量紅豆同綠茶雪糕襯托，奶香中帶淡淡茶味，成個組合非常平衡。🍑白桃活乳酸梳打 $32自己倒乳酸入梳打，好有儀式感！桃味清香，唔會太甜，食完甜品再嚟杯清新飲品，解膩一流。呢間店對麻糬甜品真係落足心機，兩款窩夫一個主打拉絲柔滑，一個煙韌帶嚼勁，各有特色！無論你係麻糬迷、甜品控，或者純粹想chill下，「一糖」都係一個好選擇！📍一糖·天水圍屏山上璋圍249號