至尊重慶雞煲 (創興廣場)

營業中

休息中

🙋🏻‍♀️早幾日天氣凍就心思思好想食啲熱辣辣嘅嘢，於是我哋就同朋友仔岀咗去旺角創興搵野食啦🤪朋友仔想食雞煲🐓媽媽我就好想食火鍋🥘所以我哋到最後就揀咗 ”至尊重慶雞煲火鍋“ 啦，咁就可以一次過滿足晒我哋兩個嘅願望啦，最重要係lunch time係無限時任食㗎，一邊傾吓偈一邊食吓嘢，真係好👏🏻🙋🏻‍♀️今次雞煲我哋揀咗小辣🌶雞件嫩滑得嚟又唔嚡口，同其他地方嘅雞煲真係好唔同，仲好惹味添😋，性價比極高呀，我哋好快就清哂啦，好彩呢度嘅雞煲係有得無限添加咋，所以肯定夠喉👍🏻🙋🏻‍♀️食完雞煲之後，我哋就加湯落去打邊爐啦，唔好講笑，呢度嘅火鍋配料真係好多種類㗎，例如：🦪蠔/青口/帆立貝/🦑魷魚/🐂牛柏葉/木耳/金菇/蓮藕/年糕/🧆丸類等等......最特別係佢地仲有勁長嘅蟹柳呀🤪哇！種類多到真係數都數唔哂呀，全部都係📲手機落單好快就送嚟，而且佢地仲有🥬蔬菜/🧃飲品/🍧甜品/🍨雪糕自助櫃，裡面都有唔同嘅種類任君選擇，亦會不斷Refill，真係唔驚你食，淨係驚你食唔哂呀🙋🏻‍♀️今次我哋就試咗至尊重慶雞煲喇，等我下次試埋佢個🧀芝士雞煲先，見到隔籬枱嘅🧀芝士可以拉絲，真係睇到都流晒口水呀🤤