金子半之助 (新都會廣場) (已結業)

同朋友係葵芳行街，成日係葵廣掃街食到悶，今次黎試吓天婦羅丼飯，呢間都幾多分店，位置葵芳新都會，餐廳都算大，座位寬闊，我哋安排咗坐bar枱，可以望住開放式廚房，天婦羅全部都即叫即炸👍🏼我地叫咗車海老軟殼蟹天丼同迷你天丼&稻庭烏冬丼飯非常之大份，軟殼蟹都有大舊，仲有車海老同小柱魷魚天婦羅餅，先食幾舊天婦羅，之後吉穿流心蛋撈飯，飯撈均蛋汁同天婦羅汁好好食😋全部天婦羅既炸粉都唔厚，仍然可以食到材料既鮮味，唔會得油膩感👍店員都有解說，店內既天婦羅係用日本特製高級胡麻油嚟炸成，所以聞落好香但唔油膩，而且色澤相對會深啲。同埋值得一提係個碗，個碗睇落好大，但原來𥚃面係空心既，係為左保持食物嘅溫度，相當細心！而且丼碗係參照江戶時代嘅陶瓷工藝，雖然相對上會重啲，但更加有日本既感覺🤣而迷你天丼&稻庭烏冬份量好足，又有烏冬又有飯，超滿足！烏冬好彈牙，而咁多天婦羅當中，我最欣賞係菇菌，因為本身驚會咁幼身會好乾，但炸完重好juicy，相當有水準👍