味滿

營業中

休息中

今日約左大佬去行工展會，未行已經嗌肚餓既我，就揀左間有得食「豬雜湯米」既小店，入面仲有粥品、腸粉、雲吞等。餐廳非常光猛乾淨，還設有high table 既位置，夠晒格調。最重要食物份量好足，仲要唔算好貴。 ⦁豬雜湯米 $48豬雜洗得非常乾淨，每件都好大塊同足料，加埋辣椒油，味道更香。 ⦁艇仔粥 $43好多配料，最欣賞入面魚片大大塊，非常有咬口。加上粥底煲到好綿密！ ⦁蝦籽菜芯 $22菜芯顏色翠綠，蝦子幼細，有種提鮮既感覺。 ⦁炸兩 $26每次食粥，我同大佬必配「炸兩」，貪佢有脆卜卜既油炸鬼之外，配埋透薄煙韌既腸粉皮，口感豐富。 ⦁熱檸茶 $8茶底夠晒濃，唔會有苦澀味。 ⦁蜂蜜菊花露 $8秋冬天氣乾燥，飲番杯蜂蜜菊花露滋潤一下，味道有D似菊花茶。 ✨餐廳仲有粥灼類同淨餸類，岩晒聚會散叫。整體味道偏清淡，聚餐過後最岩清腸胃。