九町屋

營業中

休息中

朋友介紹天后有間日式餐廳，食物做得有水準，呢日喺附近做嘢，於是就去試吓，叫咗以下菜式:蒲燒鰻魚定食 - 定食除咗鰻魚飯，仲有跟前菜、湯及飲品，鰻魚好厚身，肉質肥美無腥味，好食，加埋醃蘿蔔同飯素，好快就清晒成碗飯，前菜有漬青瓜、溫泉蛋及味付帶子群邊，青瓜醃得入味無過鹹，溫泉蛋又香又滑，帶子群邊煙煙韌韌，全部前菜都係開胃菜，好味道! 湯品更係用心之作，裡頭有紹菜、紅蘿蔔、洋蔥及雞脾肉，湯頭鮮甜無味精，高質。香煎三文魚扒定食 - 除咗三文魚外，同樣都係有跟前菜、湯同飲品，三文魚皮煎得香脆，魚肉juicy唔嚡口，而且有魚鮮味，加埋少少檸檬汁同伴碟醬汁，就更惹味，正!熱手打蜂蜜檸檬水 - 飲到檸檬同蜂蜜味之餘，又唔會過甜，好潤喉。熱咖啡 - 咖啡味道同奶味平衡，唔錯!食物質素很高，店員親切有禮，會有下次嘅餐廳。