大勝潮州牛雜粉麵

營業中

休息中

元朗嘅潮州粉麵店越開越多，是晚就嚟試下大馬路新開的大勝潮州牛雜粉麵。⭐崩沙腩河朋友點咗碗崩沙腩河，份量都幾大碗，牛腩入味有咬口，加埋個腩汁夠曬正😋⭐四寶餃米自己點咗個四寶餃米，有魚皮餃、韭菜餃、水餃同雲吞，由店家自己包，隻隻都大大隻好足料㗎。⭐炸魚皮加咗份細嘅炸魚皮，魚皮夠香脆，鹹鹹地當小食一流。⭐腐乳通菜仲有食潮州粉麵唔少得嘅腐乳通菜啦，腐乳醬鹹香鮮味，正呀。⭐凍奶茶 & ⭐凍檸茶近餐加魚皮、菜同飲品都有特價，大大杯凍飲都係六蚊，抵飲👍小店近巴士站同輕鐵站，地點夠方便，店內座位闊落冷氣足，又多一個好選擇😋