泰玖 (已結業)

週末放假唔想離開家鄉荃灣，慶幸荃灣真係好多好嘢食，今次就揀咗泰玖，想食返佢哋個金磚同沙冰🤤。泰玖金磚蒜蓉包 $42名符其實外表金黃色成塊磚咁嘅蒜蓉包，表層少少焦脆而內裡鬆軟，牛油完全浸入麵包入面，令每啖都係滿滿嘅牛油香甜，再加上蒜蓉味嘅襯托，不過今次整到偏咸，重手左。泰式冬陰功花甲湯 $108食材絕無偷工減料嘅冬陰公湯，花甲數量算都幾多，味道濃郁，辣度適中，酸酸甜甜咁好開胃。大頭蝦炒金邊粉 $138兩大隻炸到外層香脆嘅大頭蝦，蝦肉彈牙爽口幾唔錯，而更出色嘅係佢嘅金邊粉，加入咗花生醬一齊煮，食落去味道香濃又美味。菠蘿活性乳酸菌屎樂冰(450ML) $68賣相有趣嘅特飲，有成支益力多倒樹蔥咁插係沙冰上面，味道係菠蘿嘅香甜混合益力多嘅酸甜，甜甜得正加埋冰沙嘅冰爽口感，好飲😋。