楓 (已結業)

旺角有間木系Cafe，主打巨型日式蛋糕，前排被瘋狂洗版，同時亦有乳酪杯、刨冰、主食、小食及飲品供應。提提大家六至七係員工嘅食飯時間，費時大家摸門釘啦，另外建議要中午去，因為晚上好多食物都售罄了😅作為甜品控當然要先介紹吓呢度嘅甜點。必點之選有巨型日式蛋糕，即叫即焗需要等候20分鐘，份量足以兩人享用，質地偏硬身，帶有口感，配上濃郁又順話嘅焙茶醬，邪惡又好味😋另外私心推介大阪燒，可以自由選擇海鮮配料，有章魚、蝦同帶子，當中加入大量椰菜絲、粟米、灑上木魚花、海苔碎、蔥花、以自家製醬料調配，口感豐富而且食完都唔會覺得好膩。最後要埋乳酪雪糕，三個配料加醬汁，集齊脆脆系列、QQ口感同餅乾。選擇困難症嘅表示要自己搭配真係好辛苦，因為全部都好吸引！凍冰冰好解暑，不過好快融要即刻食。