影片
更多
2016-05-06
663 瀏覽
陳漢記既玻璃腸粉同煲仔飯非常出名 唔少人專程去食 但係試過之後大失所望 覺得好難食 唔會再去假日中午時段去到 開鋪無耐已經大排長龍 等左半個鐘終於有位 繁忙時段要搭枱當然無可厚非 店內座位比較迫 店員都好忙碌咁快手落單上菜走黎走去餐牌有唔少粥麵同腸粉款式選擇 想試豬潤腸亦想試鮮蝦腸 但係打算再叫炸兩所以費事又叫多兩碟腸粉咁多 就要左碟鮮蝦豬潤雙拼腸同炸兩 煲仔飯晚上六點先開始供應 所以唯有叫粥 我本身自己鐘意食內臟豬心豬潤豬肚牛什果啲 見到從未見過既栢葉粥決定試試炸兩 ($17)最先上枱既係炸兩 切件後灑上芝麻 賣相頗為吸引 而店員另外再會提供辣醬豉油等自行按個人口味再加 由於坐既位置係廚房旁邊 見住炸兩即包即切 對佢既期望就更高 一上枱已經迫不及待立即開動 炸兩切成細件一口一件岩岩好 但係真係好難食 估唔到包住既油炸鬼竟然凍冰冰又乾又硬 食到一半已經唔想再食 要加好多辣醬勉強食落去 但最後都係食淨左兩三舊放棄左鮮蝦豬潤雙拼腸 ($27)可能因為人客太多供不應求 所以見到師傅係旁邊即場調製粉漿 將一大桶天拿水罐咁大既花生油倒入粘米粉 腸粉的確如傳聞中透薄如玻璃 輕輕透出鮮蝦同豬潤餡料
假日中午時段去到 開鋪無耐已經大排長龍 等左半個鐘終於有位 繁忙時段要搭枱當然無可厚非 店內座位比較迫 店員都好忙碌咁快手落單上菜走黎走去
餐牌有唔少粥麵同腸粉款式選擇 想試豬潤腸亦想試鮮蝦腸 但係打算再叫炸兩所以費事又叫多兩碟腸粉咁多 就要左碟鮮蝦豬潤雙拼腸同炸兩 煲仔飯晚上六點先開始供應 所以唯有叫粥 我本身自己鐘意食內臟豬心豬潤豬肚牛什果啲 見到從未見過既栢葉粥決定試試
炸兩 ($17)
最先上枱既係炸兩 切件後灑上芝麻 賣相頗為吸引 而店員另外再會提供辣醬豉油等自行按個人口味再加 由於坐既位置係廚房旁邊 見住炸兩即包即切 對佢既期望就更高 一上枱已經迫不及待立即開動 炸兩切成細件一口一件岩岩好 但係真係好難食 估唔到包住既油炸鬼竟然凍冰冰又乾又硬 食到一半已經唔想再食 要加好多辣醬勉強食落去 但最後都係食淨左兩三舊放棄左鮮蝦豬潤雙拼腸 ($27)
可能因為人客太多供不應求 所以見到師傅係旁邊即場調製粉漿 將一大桶天拿水罐咁大既花生油倒入粘米粉 腸粉的確如傳聞中透薄如玻璃 輕輕透出鮮蝦同豬潤餡料 滿心期待地夾起腸粉 點知腸粉一夾就爛 所有餡料甩曬出黎 唯有用匙羹裝起黎食 但係放入口根本一啲都唔滑反而好糊口 而且非常油膩 覺得用油量多應該點都會滑啲掛 不過鮮蝦幾大隻 但豬潤切得好碎而且有啲過熟過硬
栢葉粥 ($32)
栢葉粥好特別好少見 我估應該係牛栢葉 不過顏色非黑非白 而係啡色 食落都幾爽口已經幾多料 粥底都綿既味道正正常常整體黎覺得已經唔止名過於實 除左粥係不過不失之外其他兩樣甚至係頗為難食 好多小店水準都比佢高得多 可能今次我試唔到既煲仔飯會比較出色 不過都唔會再去試喇
張貼
