The Francesco

營業中

休息中

大角咀有好多小店有好嘢食。今次過咗嚟食意大利菜~~~佢其實都係大角咀個兩條食街到，行入少少就見到。我地5個人叫左5個菜式蒜蓉炒蘑菇有鮮冬菇，杏鮑菇，白玉菇。蒜蓉炒得好香同埋畀我想像中份量，多食極都仲有，好抵食當然唔少得叫個薄餅~~水牛芝士意大利薄餅（超級推薦）佢個薄餅真係好好食，因為上碟嘅時候見到咁多，我仲諗食唔食得曬，結果好食到係想encore！佢個餅底係正宗用個爐燒出嚟有少少脆得嚟有麵包質感嘅咬口 。蕃茄醬酸度啱啱好同個水牛芝士好夾，所以呢每一啖呢都令到你唔會覺得好漏，但係呢又會好享受食佢嗰個薄餅味道。卡邦尼意粉正常發揮。忌廉汁係好味既，又啱啱好掛到啲麵條，佢仲加咗好多配菜令到個意粉個層次豐富。意大利牛肝菌燴飯牛肝菌本身就已經好香，所以成個飯出嚟就已經又好食又香口。有時好怕呢啲意大利飯加咗忌廉汁會好肥膩，但係呢個完全冇，所以可以放心食得幾啖。烤春雞想啲嘅時候係好驚訝咁大碟。佢一隻春雞仲配有沙律菜，薯條同埋cherry tomato。有時好怕春雞冇咩味，不過佢呢個春雞本身醃得夠味嘅。伴碟嘅沙律菜都勁新鮮同埋份量好多。唔會係嗰啲擺喺隔離你唔想食嗰啲伴碟。