影片
更多
2018-06-11
618 瀏覽
已經好耐冇嚟過大角咀搵食，以前對佢嘅印象主要都係奧海城，但其實附近都有唔小有特色嘅餐廳，今晚就揀咗Starry Night。一入到去，店面唔算大，裝修得好襯佢嘅名字，有好似星空嘅天花板同竼高嘅畫，燈光幽暗，有啲似午夜巴黎嘅情節。我地叫咗一個$398嘅二人餐，有湯，沙律，小食, pasta/risotto 同grilled, 每個category都可以揀一款，係一個幾完整嘅套餐，飲品要另外點，我地揀咗藍蝶花薑茶同檸蜜薑，兩杯都有薑粒係入面，同埋無渣！幾好飲～湯同沙律首先登場，湯係好足料嘅蕃茄湯，好濃味，個人覺得咸咗小小，沙律就揀咗parma ham melon, 個哈密瓜好新鮮，好甜，配上火腿嘅咸香，雖然簡單但好好味，全靠材料本身嘅質素。再之後嘅芝士蒜蓉包真係好有驚喜，面頭有兩種芝士，加上麵包濃濃嘅蒜蓉，估唔到咁夾，旁邊仲有炸蒜增強口感，好快成碟就俾我地清唒。係等主菜上嘅時間，待應有替我們換碟，加水，終於主角上場！香辣雞扁意粉又係另外一個驚喜，雞肉真係煮得好嫩滑，好小食到呢種質感嘅雞肉，同埋份量唔少，仲有其他配菜都好花心思，有一種炸咗嘅菜，係意粉上面，好香口。我地掛住食呢個，停唔到口，食
一入到去，店面唔算大，裝修得好襯佢嘅名字，有好似星空嘅天花板同竼高嘅畫，燈光幽暗，有啲似午夜巴黎嘅情節。
我地叫咗一個$398嘅二人餐，有湯，沙律，小食, pasta/risotto 同grilled, 每個category都可以揀一款，係一個幾完整嘅套餐，飲品要另外點，我地揀咗藍蝶花薑茶同檸蜜薑，兩杯都有薑粒係入面，同埋無渣！幾好飲～
湯同沙律首先登場，湯係好足料嘅蕃茄湯，好濃味，個人覺得咸咗小小，沙律就揀咗parma ham melon, 個哈密瓜好新鮮，好甜，配上火腿嘅咸香，雖然簡單但好好味，全靠材料本身嘅質素。
再之後嘅芝士蒜蓉包真係好有驚喜，面頭有兩種芝士，加上麵包濃濃嘅蒜蓉，估唔到咁夾，旁邊仲有炸蒜增強口感，好快成碟就俾我地清唒。
係等主菜上嘅時間，待應有替我們換碟，加水，終於主角上場！香辣雞扁意粉又係另外一個驚喜，雞肉真係煮得好嫩滑，好小食到呢種質感嘅雞肉，同埋份量唔少，仲有其他配菜都好花心思，有一種炸咗嘅菜，係意粉上面，好香口。
我地掛住食呢個，停唔到口，食完先留意到係一邊就快凍咗嘅牛扒，牛扒好有肉味，小小筋，不過我幾鐘意，加小小芥末好開胃，隔離嘅焗車厘茄好多汁，一咬落去成個咀都係鮮茄汁，好味又好得意，食埋真係好飽好滿足。
無論環境，食物，服務態度都好好嘅小店，食得好開心嘅一餐☺
張貼
