上海老家 (已結業)

［上海老家］鍾意濃味菜式嘅我其實好鍾意食上海菜，不過次次都食連鎖餐廳，無乜驚喜可言，最近終於搵到一間真心正嘅上海菜館，旺角火車站搭小巴，落車行幾分鐘就到，以後我都會多多嚟開餐😋#五香燻魚食上海菜必點，醬汁香濃帶甜味，燻魚吸收晒醬汁嘅味道，每一啖都食到juicy鮮味嘅感覺，特別係魚皮位置，特別掛汁，連平時唔食魚皮嘅我都忍唔住要試🤣#回鍋肉高度欣賞呢個餸，雖然叫咗走辣，但師傅炒出嚟依然色澤豐富，非常惹味，椰菜絲、肉片同豆乾每種材料都炒得入味，呢個鑊氣小炒無得輸！#洋蔥雲耳炒勝瓜簡單的一個炒菜，師傅亦做得出色，勝瓜唔會過腍，食得出食材爽脆的口感，味道清新，剛好為濃味嘅餸菜起中和作用#高力豆沙 期待已久嘅甜品😍呢個甜品唔係好多地方食到，呢度仲要做得好高質，即叫即整，上枱時仲係熱辣辣㗎！表面灑滿砂糖，食落更sweet，口感鬆軟細膩，介乎於泡芙與梳乎厘之間，中間有甜度適中的軟滑豆沙，中式甜品都有好嘢🥰#eatisfun #hkfoodie #blogger #bloggerforfood #goodfood #shanghai #chinese #eatattaikoktsui 🔺🔺🔺🔺🔺🔺🔺🔺🔺