影片
更多
2022-12-02
755 瀏覽
九月某個星期五夜晚同朋友去咗試田浦食肉，當時餐廳只係開咗三個月左右，只接受walk in，7點已經坐滿人，出面要排大隊。雖然餐廳格局非常地道，好似置身於韓國傳統燒肉店，但真係冇通風系統可言，冷氣風口又咁啱吹得幾勁，令到我坐得唔太舒服。待應以韓國人為主，會自動幫你燒肉，坐定定等食就可以👍🏻肉類全部都會烤到半生熟先上枱，節省咗係客人面前燒嘅時間，同時為健康著想咗😆牛肋骨同豬肉唧肉質其實都唔錯，特別喺香港好少食到厚切五花肉🐽 我哋本來以為牛肋骨係會用較濃嘅醬汁去醃，點知兩款肉都係簡單調味，所以味道較淡令我哋有啲失望🥺不過咁做法的確燒得原汁原味更突顯肉味。雞蛋羹幾高質同埋幾足料，完全冇空氣感，質地有啲似海綿蛋糕咁濕潤同鬆軟。炒飯幾惹味，加咗紫菜、粟米同芝士一齊炒，可能係全晚最濃味嘅一碟食物😆燒牛肋骨600g $580燒豬肉套餐500g $450雞蛋羹 $70黃油炒飯 $50
九月某個星期五夜晚同朋友去咗試田浦食肉，當時餐廳只係開咗三個月左右，只接受walk in，7點已經坐滿人，出面要排大隊。
雖然餐廳格局非常地道，好似置身於韓國傳統燒肉店，但真係冇通風系統可言，冷氣風口又咁啱吹得幾勁，令到我坐得唔太舒服。待應以韓國人為主，會自動幫你燒肉，坐定定等食就可以👍🏻
肉類全部都會烤到半生熟先上枱，節省咗係客人面前燒嘅時間，同時為健康著想咗😆牛肋骨同豬肉唧肉質其實都唔錯，特別喺香港好少食到厚切五花肉🐽 我哋本來以為牛肋骨係會用較濃嘅醬汁去醃，點知兩款肉都係簡單調味，所以味道較淡令我哋有啲失望🥺不過咁做法的確燒得原汁原味更突顯肉味。
雞蛋羹幾高質同埋幾足料，完全冇空氣感，質地有啲似海綿蛋糕咁濕潤同鬆軟。炒飯幾惹味，加咗紫菜、粟米同芝士一齊炒，可能係全晚最濃味嘅一碟食物😆
燒牛肋骨600g $580
燒豬肉套餐500g $450
雞蛋羹 $70
黃油炒飯 $50
張貼
