素來素往 (已結業)

素來素往係食素食自助餐既，晚市90分鐘任食，食物種類有前菜、主食、小食、湯、飯麵、甜品、飲品都一應俱全，而且店員refill既速度都幾塊，幾乎冇見過出面既盤係空左既😌除左keep住refill之外，仲會有時換啲新既菜式！樣樣都好有興趣好想食！  #eateateatin大角咀  晚市（$128） 試左好多野，推薦一下覺得特別好食既🤩  1⃣️滷肉飯有飯比你自己裝，係紅米飯黎，幾健康，再自己淋上滷肉，想要幾多就要幾多。滷肉食落真係好似真既滷肉咁，仲食到好似有啲冬菇粒咁，感覺更加台式😋  2⃣️蔬菜卷  顏色繽紛，而且食落好fresh。  3⃣️Pizza 芝士幾香，仲有啲青椒絲🧀️  4⃣️冬瓜環造型已經好特別，真係一個圓環形😳配埋啲菇、腐竹，幾好食。  5⃣️香酥鴨外皮真係幾酥，入面係啲芋頭、腐皮  6⃣️麻醬青瓜粉皮 好鍾意呢個，麻醬好夠香～  7⃣️口水雞 呢個真係surprise到我！口水雞本身調味夠辣夠麻，而素雞肉既質感食落好似真既雞肉咁！唔係平時出面食到果種一食就知道係豆製品既感覺  8⃣️豆腐花食完野最後黎個甜品～豆腐花可以自己畢，再加下啲黃糖，豆味幾香～