影片
更多
2018-07-25
565 瀏覽
今日收工去到大角咀晚餐，揀左呢間風評唔錯嘅金船長，餐廳位於大全街，附近原來都幾多野食，大概七點零鐘到，全場都滿哂喎，即時信心爆棚，穩陣呀。我地一早預約左位，店員都好快安排好坐低。環境都唔錯，有少少似老牌西餐廳格局，好好生意，有情侶，又朋友，咁啱坐左喺一家大細隔離，難免嘈少少，好在我地唔係想傾計果種。服務都唔錯。店員先上水，餐牌，然後我地揀左一陣，就揀好食乜，點左一份套餐，散點一份黑松露菌醬意式馬斯卡普芝士夾心比薩，餐牌上面寫住得獎作品。另外點左兩份小食，兩款甜品，非常飽，人均大約二百零蚊套餐包一款餐牌，可以由法式鴨清湯/青豆忌廉湯揀一款，我揀左前者，個湯幾特別嘅，有少少似鴨絲炆米嘅湯底，熱辣辣，有少少鴨肉碎，幾好飲。另外有件麵包，都好鬆軟焗蜜糖雞翼：一份雞翼有五隻，輕輕焗到外皮脆脆地，有少少蜜糖味，肉仲幾嫩，好食法式焗田螺：田螺都附左5塊麵包，都幾好飽肚。田螺腍身，好吃呢。黑松露菌醬意式馬斯卡普芝士夾心比薩：得獎作品，其實佢同意式比薩唔同架，面頭加左d芝士粉，裡面全部都係黑松露醬，唔會好重味，變相食落都冇咁膩。比薩食落軟軟地，有三種食法，就咁直接食會幾香，但我個人鐘意加少少提子醋，濕身
服務都唔錯。店員先上水，餐牌，然後我地揀左一陣，就揀好食乜，點左一份套餐，散點一份黑松露菌醬意式馬斯卡普芝士夾心比薩，餐牌上面寫住得獎作品。另外點左兩份小食，兩款甜品，非常飽，人均大約二百零蚊
套餐包一款餐牌，可以由法式鴨清湯/青豆忌廉湯揀一款，我揀左前者，個湯幾特別嘅，有少少似鴨絲炆米嘅湯底，熱辣辣，有少少鴨肉碎，幾好飲。另外有件麵包，都好鬆軟
焗蜜糖雞翼：一份雞翼有五隻，輕輕焗到外皮脆脆地，有少少蜜糖味，肉仲幾嫩，好食
法式焗田螺：田螺都附左5塊麵包，都幾好飽肚。田螺腍身，好吃呢。
黑松露菌醬意式馬斯卡普芝士夾心比薩：得獎作品，其實佢同意式比薩唔同架，面頭加左d芝士粉，裡面全部都係黑松露醬，唔會好重味，變相食落都冇咁膩。比薩食落軟軟地，有三種食法，就咁直接食會幾香，但我個人鐘意加少少提子醋，濕身少少，冇咁膩。最後仲可以夾少少附上嘅沙律菜，更加豐富口感
套餐點左厚切紐西蘭牛柳配燒汁，跟餐湯、主食，可配意粉，飯或者薯菜，送加咖或茶，價錢係188蚊。仲有優惠價追加甜品都係38蚊，呢個幾抵。升地揀左配薯菜，店員解釋左薯菜係薯蓉，食落好滑身，而且有陣奶油香。牛柳算厚切，煎得幾香，沾滿燒汁，切落就知仲係好腍身，食落唔乾之餘亦有肉香
心太軟係套餐追加38蚊，抵加呀，心太軟即焗，雖然上枱時雪糕因為心太軟滑度已經溶溶地。雪糕滑身，心太軟都好流心，朱古力味唔算好濃，甜度適中。
另外點左金船長梳乎厘，朋友見我食甜品食得咁過癮，正價都要點，梳乎厘有朱古力，原味，薑味，橙味，都幾特別。梳乎厘即焗，動L都不得了，裡面焗到啱啱好，唔會太熟或者太乾，軟得來唔會太空氣。橙味都幾明顯，唔會唔自然，推薦。
張貼
