影片
更多
2023-11-08
416 瀏覽
約咗人嚟大角咀交收，順便喺附近簡簡單單食一餐。記得之前有朋友介紹過中匯街有間平民拉麵店，午餐定價非常親民，一於過去試下。店面不大，只有十餘個座位，但環境簡潔明亮。餐廳主打濃厚雞白湯拉麵，另外亦有蕃茄湯烏冬、沙律、關東煮、餃子、雞翼和飲品等供應。點咗兩個午市推介，套餐包胡麻野菜沙律同紙包飲品，沙律菜好新鮮，蕃茄甜美多汁，配埋微酸嘅胡麻醬，清新醒胃。低溫雞肉拉麵 ($55) 湯底可以自選醬油味、鹽味或麻辣味，揀咗鹽味，雞白湯底以雞骨，雞殼及少量豬骨等熬煮而成，入口雞味非常濃郁，濃而不膩，帶淡淡雞油香。雞胸以低溫慢煮方式烹調，上碗前再輕輕火炙過，肉質軟嫩富彈性。配料有紫菜、木耳、芽菜、味付筍、半隻溏心蛋同蔥花。麵條帶小小孿，掛湯力不俗，彈牙有口感，風味極佳！至於另一碗豚肉叉燒拉麵 ($58) 水準亦唔錯， 湯底味道啱啱好，醬油味唔會過鹹，叉燒大大塊，肉質軟腍，易咬不韌。溏心蛋閃令令，蛋黃橙色半凝固，入口蛋味好香濃~
約咗人嚟大角咀交收，順便喺附近簡簡單單食一餐。記得之前有朋友介紹過中匯街有間平民拉麵店，午餐定價非常親民，一於過去試下。
店面不大，只有十餘個座位，但環境簡潔明亮。
餐廳主打濃厚雞白湯拉麵，另外亦有蕃茄湯烏冬、沙律、關東煮、餃子、雞翼和飲品等供應。
點咗兩個午市推介，套餐包胡麻野菜沙律同紙包飲品，沙律菜好新鮮，蕃茄甜美多汁，配埋微酸嘅胡麻醬，清新醒胃。
低溫雞肉拉麵 ($55) 湯底可以自選醬油味、鹽味或麻辣味，揀咗鹽味，雞白湯底以雞骨，雞殼及少量豬骨等熬煮而成，入口雞味非常濃郁，濃而不膩，帶淡淡雞油香。
雞胸以低溫慢煮方式烹調，上碗前再輕輕火炙過，肉質軟嫩富彈性。配料有紫菜、木耳、芽菜、味付筍、半隻溏心蛋同蔥花。麵條帶小小孿，掛湯力不俗，彈牙有口感，風味極佳！
至於另一碗豚肉叉燒拉麵 ($58) 水準亦唔錯， 湯底味道啱啱好，醬油味唔會過鹹，叉燒大大塊，肉質軟腍，易咬不韌。溏心蛋閃令令，蛋黃橙色半凝固，入口蛋味好香濃~
張貼
