素來素往 (已結業)

啱啱過咗嘅星期日同屋企人嚟咗呢度食午市素食放題，我哋見價錢又唔貴，餐廳亦都乾淨企理，所以決定一試。食完之後覺得有以下幾樣食物都好推薦。蒸滑蛋: 好似好易整，但係擺喺大盤內，仲要keep住嫩滑係好難，呢度就做到，送飯一流。香炸秋葵: 秋葵炸到金黃色，好爽脆，秋葵有益，食多啲都唔怕😄Pizza: pizza 底係蕃茄醬，鋪滿材料，每一啖都有餸😆滿足。柚子苦瓜:一個好新穎嘅配搭，柚子甜甜地配上苦瓜，兩者幾夾，有種好清新嘅感覺，我都食咗幾多。整體所有食物質素都幾高，我哋成家人都食得好開心好滿意。