火五越式牛肉粉專門店 (華生樓) (已結業)

今日同朋友去交收順便去食下午茶。D24榴槤炸彈$48見到店家會加咗啲星星糖霜同朱古力醬做裝飾， 幾可愛同特別。炸到外皮香脆內裏煙韌嘅效果，榴槤醬一咬落去就必出嚟，可以一解榴蓮癮。蒜蓉牛油蝦球 （五件）$48蒜蓉味好出，不過整體偏油膩。 佢嘅炸粉唔厚，調味都啱啱好。特色鳳爪青木瓜沙律$48我不嬲都好鍾意食青木瓜沙律， 尤其食完咁多炸嘢解油膩就靠曬佢。鳳爪本身都好入味，沙律就要自己加魚露調味，所以要小心加，我就唔小心加得太重手所以有啲過酸。 生牛肉粉我係食下午茶嘅其實佢$40就包嘢飲啦，大大碗，好抵食。嘢飲方面揀咗荔枝梳打&白桃梳打 。我個人就鍾意白桃梳打多啲，佢冇荔枝梳打咁甜，同埋有多啲氣，飲落爽啲。整體成餐飯$200左右就食到好飽，相當抵食嘅一間越式餐廳，推介大胃王嚟食。