新金榮小廚

營業中

休息中

又要work from home，一家人喺屋企又唔想煮飯，今日有我哋兩個外賣仔落街買飯食，行到去屯門何福堂買小炒。好，睇吓有咩好食先。蜜椒薯仔牛柳粒，好大盒好足料，薯仔同牛柳粒一樣咁多，薯仔炸過，食落甜甜地，牛柳粒帶少少脂肪，食落柔軟。啫啫雞煲，醬汁濃郁，雞件啖啖肉，拌飯一流。沙拉大蝦球，酸酸甜甜沙律醬，仲有海量菠蘿，蝦球大大粒咬落啖啖肉。金銀蛋豆苗，有肉當然要有菜，我哋都鍾意食金銀蛋時菜，因為濕濕地容易入口，豆苗好新鮮深綠色，夠大碗。