影片
更多
2021-09-07
481 瀏覽
千代鶴CHIYO TSURU一間日本料理餐廳位於銅鑼灣，地理位置於澳門逸園中心好方便，今日同朋友book訂位黎到好好品嘗一頓 Omakase (廚師發辦)。一開始由三品前菜盤打開序幕：沖繩水雲、胡麻菠菜、醋漬三文魚鼻，先由味道最淡嘅沖繩水雲嘗味，淡淡嘅醋漬味道開胃清新，再到醋漬三文魚鼻，口感爽口脆身，之後到胡麻菠菜，味道剛剛好芝麻醬涼拌菠菜清爽。揭開今日第一樣時令魚生食材名前就喺白身魚刺身 - 牛舌魚，屬於深海魚魚種，肉質細嫩，味道清甜，魚嘅鮮味會喺細嚼後慢慢淡出，薄切更顯其肉身晶瑩剔透。由淡味到濃味，先來新鮮爽口石桓貝及深海魚黑鯥手握壽司，黑鯥屬深海肉食性魚類，魚肉幼滑味道鮮甜無比，喺日本被視為刺身中之極品，中前段部份品嘗到黑鯥，為之驚喜！然後就到左口魚裙邊及深海池魚手握壽司。輕輕炙燒過表面嘅左口魚裙邊油脂釋出，魚脂豐富而且爽身；深海池魚肉質肥嫩魚油甘甜，入口更有留香。去到中後段，帶黎八幡鰤及海膽牡丹蝦手握壽司。八幡鰤喺千代鶴嘅鎮店之寶，果然名不虛傳，肉質肥美甜而回甘，每一次嘅咀嚼都品嚐到魚脂豐腴。海膽牡丹蝦配搭芝麻柚子嘅調味，充分表現出海膽嘅濃郁同時配合到牡丹蝦嘅鮮美。後段就喺最具
一開始由三品前菜盤打開序幕：沖繩水雲、胡麻菠菜、醋漬三文魚鼻，先由味道最淡嘅沖繩水雲嘗味，淡淡嘅醋漬味道開胃清新，再到醋漬三文魚鼻，口感爽口脆身，之後到胡麻菠菜，味道剛剛好芝麻醬涼拌菠菜清爽。
揭開今日第一樣時令魚生食材名前就喺白身魚刺身 - 牛舌魚，屬於深海魚魚種，肉質細嫩，味道清甜，魚嘅鮮味會喺細嚼後慢慢淡出，薄切更顯其肉身晶瑩剔透。
牛舌魚
7 瀏覽
0 讚好
0 留言
由淡味到濃味，先來新鮮爽口石桓貝及深海魚黑鯥手握壽司，黑鯥屬深海肉食性魚類，魚肉幼滑味道鮮甜無比，喺日本被視為刺身中之極品，中前段部份品嘗到黑鯥，為之驚喜！
然後就到左口魚裙邊及深海池魚手握壽司。輕輕炙燒過表面嘅左口魚裙邊油脂釋出，魚脂豐富而且爽身；深海池魚肉質肥嫩魚油甘甜，入口更有留香。
去到中後段，帶黎八幡鰤及海膽牡丹蝦手握壽司。八幡鰤喺千代鶴嘅鎮店之寶，果然名不虛傳，肉質肥美甜而回甘，每一次嘅咀嚼都品嚐到魚脂豐腴。海膽牡丹蝦配搭芝麻柚子嘅調味，充分表現出海膽嘅濃郁同時配合到牡丹蝦嘅鮮美。
後段就喺最具特色嘅池魚紫蘇卷。完全想像唔到紫蘇葉嘅香氣可以同步配合到深海池魚嘅甘香甜，清香中帶點脂感，素味中帶點魚鮮，互相譜奏出一種別具匠心嘅味道！
池魚紫蘇卷
7 瀏覽
0 讚好
0 留言
過場時候就喺海鮮茶碗蒸，上面鋪滿粒粒三文魚子，內有鴨兒芹、滑子菇等，蒸蛋口感嫩滑。
是日主食料理西京燒銀雪魚，白味噌嘅味道帶甜，魚身表面燒到金黃色，加上銀雪魚嘅入口即化口感不錯！
同場加影居酒屋串燒，原來喺千代鶴可以叫不同種類嘅燒物。揀左雞翼、豚肉車厘茄、豚肉紫蘇葉、雞心及雞肝，最鍾意豚肉車厘茄串燒，豚肉嘅鹹香油脂配合到脆口多汁車厘茄嘅酸甜，口感味道豐富。
當然唔少得經典燒物 - 燒菠蘿，菠蘿爽甜得黎又多果汁，加上燒一燒嘅過程，果糖嘅甜味更加十分之突出！
黎到日本料理餐廳緊喺叫埋天婦羅食完先走。天婦羅盤有茄子、南瓜、鮮蝦及蕃薯，天婦羅漿做得夠薄身炸得酥脆，蔬菜質感仍然能夠保持濕潤及味道。
最後，去到甜品部份叫左炸年糕及檸檬雪葩。炸年糕外層用腐皮包住，味道香甜而不膩，點上甜醬油跟裡面帶米香嘅年糕喺天作之合。檸檬雪葩絕對喺今次嘅一個完美落幕，檸檬嘅微酸加雪葩嘅冰凍，為整頓Omakase送上一個歡喜醒神嘅句號。大滿足！
溫馨結語：每件千代鶴CHIYO TSURU手握壽司飯都用上赤醋製作，令壽司飯更香更有風味。同時，壽司魚生表面己經薄薄塗上一層醬油，魚生與飯之間添上了山葵直接食用，師傅嘅用心很讚！
張貼
