喜亭軒 (已結業)

最近天氣開始凍返，放工約埋一班好耐冇見嘅朋友見下面。餐廳位置方便，喺旺角朗豪坊附近，最正係集合曬火鍋、燒肉、雞煲同刺身，滿足到我哋唔同嘅喜好。 美饌B雞煲海鮮放題套餐 $288每張枱裝咗兩個電磁爐，可以一邊燒烤/食雞煲，一邊打邊爐。雞煲幾惹味，可以選擇荽茜份量，底層仲放曬豬皮索味，雞件細細件，過到口癮亦可以留肚食到其他。 🍣刺身拼盤 有齊三文魚、帶子同北寄貝等，以火鍋店質素嚟講算可以，唯獨牡丹蝦嘅鮮味略為遜色，不過已經好抵食🦐海鮮拼盆鮑魚、墨魚、鮮蝦等等，擺盤好精美，食落亦幾新鮮。🍲我哋擇咗養生花膠蟹湯同蕃茄湯，味道淡淡地，帶少少蟹嘅新鮮，花膠好吸引，充滿骨膠原。🫕火鍋配料有好多選擇，唔少得食美國SRF黑毛和牛，色澤鮮明，牛味亦幾重。澳洲牛舌簿切都好鮮嫩。 除咗肉類，仲可以任點丸類、漿滑、海鮮同蔬菜等。🥩燒肉燒肉嘅選擇都唔少，不過食完火鍋都好飽肚，只係點咗非常適合燒烤嘅牛舌、豬排骨同多春魚等等。 🍗小食有貓耳朵、豬耳等少量特色小食，炸雞軟骨炸得香脆，可以一試。🍨甜品可以每人選一杯movenpick ，汽水、清熱飲料同啤酒都係任飲。