MESSINA

營業中

休息中

澳洲雪糕店過江龍到香港！係澳洲嘅時候已經好鍾意食😍最鍾意開心果味！依家黎到香港，立即一試！er...不過唔係食最鍾意嘅開心果。因為佢地融入本地市場，有香港味道嘅雪糕！款式都有好多，蛋撻味、豆腐花、蔗汁、奶茶等等。所以當然食左新口味先啦😋🔸豆腐花雪糕第一口淡淡然薑味道，去到中間慢慢感覺到豆腐嘅香～雪糕入面仲有紅色粒粒，模仿豆腐花嘅黃糖！好有創意，味道配合得好好👍🏻🔸蔗汁雪葩入口香甜，濃郁鮮蔗汁味道！不過再食多幾啖就覺得蔗汁味道太濃，甜度比較高，多食會膩😅總括🔹最愛雪糕店，當然會再回頭去食啦！美中不足嘅地方係雪糕店設計，令到客人難以睇到雪櫃入面雪糕色彩繽紛嘅顏色，入雪糕店雀躍揀雪糕嘅心情爭啲啲😂