聚寶食軒

營業中

休息中

今年媽咪生日，當然帶佢去食最鍾意嘅中菜！我哋book咗係土瓜灣嘅聚寶食軒，知道呢間餐廳嘅菜式正宗，媽咪一定鍾意😍💯羊腩煲 🐑呢個煮得好出色，🐑羊肉好淋，完全唔煙靭。而且仲有勁多枝竹，薑，同蔥一齊煮，令到羊肉嘅味道更鮮味。正😍💯麻辣烤鯇魚 🐟黎到點可以唔叫麻辣菜式😋。鯇魚索哂麻辣汁，味道辣得來同魚嘅味道好夾，而且鮮味可口。 鯇魚口感爽脆，食落口絕對係啖啖肉！💯鮮魚卜🐟魚卜味道新鮮，完全冇腥味。入面仲裝哂湯汁，入口好似食緊個小湯包。口感同味道豐富！媽媽都食到讚口不絕！💯安格斯牛小排 🐮牛小排真係一試難忘，油脂比例岩岩好！牛肉嘅肉質好腍，一d都唔韌。仲有好香嘅牛肉味。食完一舊又一舊，好快就俾我哋食晒！💯脆皮BB夾 🦆BB夾細細隻，但就勁多肉！外皮香脆，肉質嫩滑。而且乳鴿非常入味，但又唔會太鹹。味道同口感都一流。