漢堡王

營業中

休息中

上星期去左山頂, 其實無他, 最主要係想黎呢度食野就真, 如果唔黎呢度, 咁就要去機場, 既然機場冇咩睇, 咁不如黎呢度搭下纜車, 行下街啦!餓住肚咁上黎食晚餐, 入到去都幾多人, 搵左一陣先有位! 兩個人商量左一陣決定叫個華堡餐, 華鱈魚餐同埋雞棒棒餐!華堡真係好大個, 而且好好味, 沙律醬汁適中, 熱辣辣既華堡加埋大大塊既蕃茄, 而蕃茄又好鮮好甜多汁, 漢堡好香有肉味, 真係唔識停係咁食; 華鱈魚既鱈魚唔油, 脆脆地加埋沙律醬, 好味, 加上個包好鬆軟, 正呀; 雞棒棒一盒有八條, 炸得有d乾身, 肉質就鞋少少, 點少少燒烤醬就會冇咁乾身, 易入口d, 呢個一般; 至於薯條都幾大條, 炸得幾脆又唔會太硬, 趁熱時食就冇得頂!其實都幾貴架, 如果唔係有d優惠師傅都未必會去咁密, 不過都係果句, 個華堡真係好掂呀, 如果未試過, 咁就一定要試喇, 小華堡反而唔會有咁震撼既感覺, 師傅覺得大比細好, 希望遲下市區都會呢間食店啦, 下次一定會再去!