影片
更多
2017-05-26
990 瀏覽
突然間好想好想好想好想食片皮鴨，俾我搵到呢間好似評價唔錯嘅餐廳，雖然位置有點遠，但見佢片皮鴨有得嗌半隻，於是就book左同男朋友黎啦！佢餐牌有好多野揀，醉雞同雞絲粉皮仲攞左美食大賞添！不過由於已經預訂左半隻片皮鴨，所以就嗌多左兩樣小食同一個餸就算啦！啲野食都幾快到，分別有醉雞、紅油炒手、糖醋魚片同拔絲蘋果，當然唔少得招牌菜片皮鴨。片皮鴨半隻但分量好夠，好多仲連住鴨肉，反而覺得無咁肥膩仲好，配住葱絲同青瓜條食味道更加清新，好懷念呢種味道！醉雞都出乎預料係我杯茶喎，酒味帶甘甜，雞肉都算嫩滑～紅油炒手個隻辣都幾嗆，不過入口之後又帶甜味，豬肉好嫩，比較腍身，仲有好多隻添本身男友諗住叫個白飯撈糖醋魚個汁，酸酸甜甜實好正，但都係驚太飽，魚肉好滑，仲有超多配菜，青椒菠蘿洋蔥咁，營養幾咁均衡最後，重點黎啦，拔絲蘋果！見識少淨係食過拔絲香蕉、地瓜，想像唔到蘋果會點。上檯個時連埋一大盤凍水，將熱辣辣佈滿糖漿嘅蘋果放入去，表面個層就會變到超硬，外脆內軟，蘋果微酸食半碟都唔太滯（主要係我大食）下次有機會再試其他野先
佢餐牌有好多野揀，醉雞同雞絲粉皮仲攞左美食大賞添！不過由於已經預訂左半隻片皮鴨，所以就嗌多左兩樣小食同一個餸就算啦！
啲野食都幾快到，分別有醉雞、紅油炒手、糖醋魚片同拔絲蘋果，當然唔少得招牌菜片皮鴨。
片皮鴨半隻但分量好夠，好多仲連住鴨肉，反而覺得無咁肥膩仲好，配住葱絲同青瓜條食味道更加清新，好懷念呢種味道！
醉雞都出乎預料係我杯茶喎，酒味帶甘甜，雞肉都算嫩滑～
紅油炒手個隻辣都幾嗆，不過入口之後又帶甜味，豬肉好嫩，比較腍身，仲有好多隻添
本身男友諗住叫個白飯撈糖醋魚個汁，酸酸甜甜實好正，但都係驚太飽，魚肉好滑，仲有超多配菜，青椒菠蘿洋蔥咁，營養幾咁均衡
最後，重點黎啦，拔絲蘋果！見識少淨係食過拔絲香蕉、地瓜，想像唔到蘋果會點。上檯個時連埋一大盤凍水，將熱辣辣佈滿糖漿嘅蘋果放入去，表面個層就會變到超硬，外脆內軟，蘋果微酸食半碟都唔太滯（主要係我大食）
下次有機會再試其他野先
30 瀏覽
1 讚好
0 留言
張貼
