Pizza Piazza (已結業)

臨近sem尾真係特別忙，終於有時間約朋友出黎食飯！感覺上好耐冇食過西餐，所以今次揀咗呢間餐廳。有套餐可以揀，我地揀咗嗰4人set。Set會包埋餐包同餐湯，我地個個都覺得餐包好鬆軟好好味！頭盤方面，作為雞翼怪既我地，揀咗水牛城雞翼同巴馬火腿熔岩芝士薯條，前者好惹味有啲辣，後者好香脆加埋芝士仲正。主菜方面，我地揀咗大蝦鮮菇意大利飯，好足料好多隻蝦。安格斯西冷扒都幾大塊，而且好重牛味好正！最中意呢個黑松露誘惑，一上菜就聞到勁香黑松露味，食落都好香好重黑松露味。因為驚唔夠食，我哋仲另外嗌咗巨型肉丸手打闊條麵，麵煮得啱啱好，而且好入味。