漢城美食

營業中

休息中

店舖位於美食林立嘅金巴利道，交通方便。座位寬敞舒適。店員helpful, 少數識廣東話。食物質素高，價錢同區吸講最實惠。 ✦ 韓式豬手大大份，兩個人幾乎食唔晒。豬手起咗骨，啖啖肉，豬皮有口感、豬肉嫩滑，非常入味，感覺好rich骨膠原。食到膩可以用生菜包住食多一份清新，亦可以配搭醬汁，一個酸酸哋、一個辣辣哋，幾開胃。 ✦ 牛骨湯上枱熱到湯水翻滾，乳白色、非常香骨髓味、唔腥，飲落略帶胡椒味。牛骨幾乎骨肉分離，肉軟嫩唔柴，軟骨依然有咬口。推薦。 ✦ 生米酒大大支，甜甜哋、帶米香、帶少量泡，酒感唔濃，好易入口。