影片
更多
2023-05-25
10 瀏覽
放工去大埔揾野食。去左食之前星期六經過好多人等位嘅coco expresso ! 今日係平日，所以唔駛等位就入得。佢嘅環境真係好靚！可能係大埔超級城裝修得最靚嘅一間餐廳。成個格調都好舒服。💋焦糖爆谷牛角酥窩夫呢個真心好好好好食，連平時唔鍾意食甜品嘅朋友都話正。個窩夫非常香牛油味，外面嘅焦糖焗到有啲焦香。加上爆谷同雪糕一齊食，令人欲罷不能！下次嚟當正餐食都得🤭🤭💋芝士牛肉漢堡配墨西哥脆片Nachos 配上帶有檸檬清香嘅牛油果醬，食到唔停口。芝士牛肉漢堡正常發揮，個包就算擺咗陣間先食都冇搞到濕爹爹，個人覺得好食過Five Guys😏💋北海道海膽扁闊意粉個意粉汁好特別，有啲似龍蝦汁得嚟又有海膽嘅鮮味。北海道海膽食落去都幾新鮮，冇腥味。意粉軟硬度剛剛好。💋Flat White個拉花好靚，而且杯咖啡都算係我香港飲過嚟講算好唔錯嘅一杯咖啡。咖啡香濃嘅同時冇苦澀味，偏nutty 💓💓💋 芒果冰沙好天然嘅芒果冰沙，唔係用人造糖漿整。而且有少少橙汁嘅味道，兩樣加埋一齊，又清新又解渴。總括嚟講絕對會再嚟食，下次會再試吓唔同窩夫嘅款式！
放工去大埔揾野食。去左食之前星期六經過好多人等位嘅coco expresso ! 今日係平日，所以唔駛等位就入得。
佢嘅環境真係好靚！可能係大埔超級城裝修得最靚嘅一間餐廳。成個格調都好舒服。
💋焦糖爆谷牛角酥窩夫
呢個真心好好好好食，連平時唔鍾意食甜品嘅朋友都話正。個窩夫非常香牛油味，外面嘅焦糖焗到有啲焦香。加上爆谷同雪糕一齊食，令人欲罷不能！下次嚟當正餐食都得🤭🤭
💋芝士牛肉漢堡配墨西哥脆片
Nachos 配上帶有檸檬清香嘅牛油果醬，食到唔停口。芝士牛肉漢堡正常發揮，個包就算擺咗陣間先食都冇搞到濕爹爹，個人覺得好食過Five Guys😏
💋北海道海膽扁闊意粉
個意粉汁好特別，有啲似龍蝦汁得嚟又有海膽嘅鮮味。北海道海膽食落去都幾新鮮，冇腥味。意粉軟硬度剛剛好。
💋Flat White
個拉花好靚，而且杯咖啡都算係我香港飲過嚟講算好唔錯嘅一杯咖啡。咖啡香濃嘅同時冇苦澀味，偏nutty 💓💓
💋 芒果冰沙
好天然嘅芒果冰沙，唔係用人造糖漿整。而且有少少橙汁嘅味道，兩樣加埋一齊，又清新又解渴。
總括嚟講絕對會再嚟食，下次會再試吓唔同窩夫嘅款式！
張貼
