Chatterbox Express (已結業)

今日太古收工就去咗chatterbox express 食晚飯，都已經好耐冇嚟。見佢出咗新嘢，就試吓佢個新Menu！牛肉雞蛋銀針粉雖然呢個唔似馬來西亞嘢，但估唔到都幾好味，牛肉都有好多片，嫩滑，用煲仔裝住，好夠熱，應該都落咗馬來西亞黑醬油，好上色，賣相吸引！香脆腐皮卷非常酥脆，加上酸甜辣醬，好惹味。沙嗲串燒拼盤牛豬雞，分別各兩串，肉質一點都不柴，我很喜歡它的沙嗲醬，香甜，有濃郁花生香。我仲用呢個沙嗲醬撈埋銀針粉一齊食！椰子雪糕咖央三文治食得馬來西亞嘢又點會唔試咖央，呢個好推薦！麵包烘得香脆，加上冰凍椰子雪糕和香甜咖央醬。最後食埋呢個甜品真係好滿足！