影片
更多
2012-03-18
38 瀏覽
就由白色情人節之後既一日作為開始。呢兩個月落去大角咀個客仔度，想搵好野食都真係要動一動腦。例牌openrice 一下，搵到呢間叫金船長餐廳。同事講到唔錯，其實冇咩劣價，我都可以give it a try。裝修都幾有格調，可能係襯返個餐廳名。侍應服務ok，殷勤，手腳快，乾淨俐落。餐湯揀咗蔬菜湯，本身諗住應該係例牌羅宋湯，起碼有多啲菜，平衡下近排食滯咗個胃。一上臺，呈血紅色。湯中間有一兩粒對半切開嘅車厘茄，浮喺度。驚到相都唔記得影。那邊廂三位同事嗌左忌廉湯，賣相還可。只係有少少諗唔通點解忌廉湯會係黃色，呢點我都冇再深究。睇完我賣相都無乜胃口，一試，剩係得鹹味，蕃茄味都係靠茄膏吊出黎。飲完個湯，大失所望。都係食返主菜實際D，order 左個紅酒燴鴨脾薯菜，多菜少薯。一嚟到，賣相OK ，值70分。鴨脾撕開，都幾啖啖肉，味道尚可，紅酒味就唔係好覺，不過鴨脾冇乜雪味，呢點已經冇扣咁我分。始終50蚊貨仔要求唔好太高。幾個同事揀咗牛扒，太薄身，唔夠五成飽。心諗好彩個主菜贏翻佢哋個湯姐。為咗令呢個白色情人節第二日西餐午餐畫上一個完美嘅句號，女同事堅持嗌一個心太軟，好，就奉陪。朱古力流心都唔錯，只係個蛋糕
呢兩個月落去大角咀個客仔度，想搵好野食都真係要動一動腦。例牌openrice 一下，搵到呢間叫金船長餐廳。同事講到唔錯，其實冇咩劣價，我都可以give it a try。
裝修都幾有格調，可能係襯返個餐廳名。
侍應服務ok，殷勤，手腳快，乾淨俐落。餐湯揀咗蔬菜湯，本身諗住應該係例牌羅宋湯，起碼有多啲菜，平衡下近排食滯咗個胃。
一上臺，呈血紅色。湯中間有一兩粒對半切開嘅車厘茄，浮喺度。驚到相都唔記得影。
那邊廂三位同事嗌左忌廉湯，賣相還可。只係有少少諗唔通點解忌廉湯會係黃色，呢點我都冇再深究。
睇完我賣相都無乜胃口，一試，剩係得鹹味，蕃茄味都係靠茄膏吊出黎。
飲完個湯，大失所望。都係食返主菜實際D，order 左個紅酒燴鴨脾薯菜，多菜少薯。
一嚟到，賣相OK ，值70分。鴨脾撕開，都幾啖啖肉，味道尚可，紅酒味就唔係好覺，不過鴨脾冇乜雪味，呢點已經冇扣咁我分。始終50蚊貨仔要求唔好太高。
幾個同事揀咗牛扒，太薄身，唔夠五成飽。心諗好彩個主菜贏翻佢哋個湯姐。為咗令呢個白色情人節第二日西餐午餐畫上一個完美嘅句號，女同事堅持嗌一個心太軟，好，就奉陪。
朱古力流心都唔錯，只係個蛋糕太soft，依稀記得好似自己去超市買黎焗既果d都咁上下味道。醉翁之意不在酒在乎山水之間，去同同事係大角咀呢個咁浪漫嘅地方，食到西餐，有呢個質素同行價錢，其實都已經冇無憾。
張貼
