影片
更多
2023-08-18
62 瀏覽
炑八韓烤 (青衣城) (青衣) 📍青衣青敬路31-33號青衣城1 1樓119B號舖一講起韓燒，都會諗起「炑八韓烤」，絕對是韓烤界翹楚。青衣城分店估地面積大，坐得舒服又有卡位雅座提供，同朋友相聚一流。無限refill的前菜：爽脆清甜帶點微辣的泡菜、解膩酸甜蘿蔔、清新芽菜🌱、點少得泡菜爐邊蛋同拉絲芝士，就咁食前菜都飽😂炑八厚切五花腩：點少得一整條厚切五花腩，肥瘦相間，豬皮輕輕香煎，油花十足！店員烤至金黃色，香脆可口！所謂高手在民間，香脆扎實既肉同時享用到豬皮的軟糯。特級牛肋骨：今日MVP 🏆特長牛肋骨醃製過醬汁甜甜地，燒至半熟兩面輕輕煎香，內裏仲見到粉嫩的肌紅蛋白，食落柔軟不帶筋！分量多之餘豐富肉汁在口內溢出，十分驚艷。韓式豬皮配炒芝麻：豬皮燒完之後，表皮變得焦香金脆，同時帶點油脂軟糯，配上炒芝麻香氣十足，仲有紫菜增加風味。甜辣炸雞半份：即叫即炸的炸雞🍗是指定動作，外脆內軟爆曬汁，用上滑嫩雞胸肉，加埋面層均勻塗上的甜辣醬 甜多於辣，仲有誠意十足香脆薯條🍟估吾到炸雞都咁高質。馬格利生米酒🍶：用碗呈上米酒份外有儀式感，米酒香甜順滑易入口，帶點發酵香味，食燒肉必點。夾心棉花糖配朱古力威化餅：係火
青衣青敬路31-33號青衣城1 1樓119B號舖
一講起韓燒，都會諗起「炑八韓烤」，絕對是韓烤界翹楚。青衣城分店估地面積大，坐得舒服又有卡位雅座提供，同朋友相聚一流。
無限refill的前菜：爽脆清甜帶點微辣的泡菜、解膩酸甜蘿蔔、清新芽菜🌱、點少得泡菜爐邊蛋同拉絲芝士，就咁食前菜都飽😂
炑八厚切五花腩：點少得一整條厚切五花腩，肥瘦相間，豬皮輕輕香煎，油花十足！店員烤至金黃色，香脆可口！所謂高手在民間，香脆扎實既肉同時享用到豬皮的軟糯。
特級牛肋骨：
今日MVP 🏆特長牛肋骨醃製過醬汁甜甜地，燒至半熟兩面輕輕煎香，內裏仲見到粉嫩的肌紅蛋白，食落柔軟不帶筋！分量多之餘豐富肉汁在口內溢出，十分驚艷。
韓式豬皮配炒芝麻：豬皮燒完之後，表皮變得焦香金脆，同時帶點油脂軟糯，配上炒芝麻香氣十足，仲有紫菜增加風味。
甜辣炸雞半份：
即叫即炸的炸雞🍗是指定動作，外脆內軟爆曬汁，用上滑嫩雞胸肉，加埋面層均勻塗上的甜辣醬 甜多於辣，仲有誠意十足香脆薯條🍟估吾到炸雞都咁高質。
馬格利生米酒🍶：
用碗呈上米酒份外有儀式感，米酒香甜順滑易入口，帶點發酵香味，食燒肉必點。
夾心棉花糖配朱古力威化餅：係火爐邊慢慢烘至外脆內軟，燒到軟棉即把威化餅夾住，朱古力🍫半融狀態，好似去緊fire camp 🏕️ 咁。
總結：
高質韓式韓肉店 性價比高
環境服務一流 回再光顧
張貼
