Call Me Chef

營業中

休息中

今日放工同朋友一齊喺觀塘工業大廈呢邊發掘下嘢食。駱駝漆大廈係美食集中地，當我地行經4樓嗰陣時，我哋見到一間餐廳門口擺放著不同口味嘅千層蛋糕。間餐廳個名叫做call me chef。直覺話俾我聽，呢間餐廳個老細好似好犀利，於是我哋入去一試。踏入餐廳嗰一刻，餐廳風格簡約，配以壁畫。最特別係適合可以見到廚房製作菜式嘅過程。一坐低我哋就揀咗意粉同飯食。當晚嘅晚餐係可以以套餐黎選擇，所以會有餐湯、沙律、主菜同雪糕。我哋特登選咗特級黑松露XO醬拌炒手撕雞意大利粉，縱使上菜嘅時候，黑松露不算太多，但足以令成碟菜式味道昇華，亦不會太油膩。 手撕雞肉10分鮮嫩，但係略嫌入味不足， XO醬不會太重，同黑松露配合得天衣無縫。 令一個主菜係香煎柚子雞腿肉配甜蕃茄燴飯。雞腿肉嘅雞皮煎得香脆，雞肉嫩滑，雞肉上面就有一絲絲柚子嘅香味，能夠解膩。初以為燴飯冇乜嘢特別，但係食落嘅時候，蕃茄味十分之重，而且廚師係用了意大利米，值得欣賞。