滷友記 (華都中心)

營業中

休息中

同朋友約咗喺荃灣一齊食台灣餐廳滷友記，我哋兩個女仔決定要一齊share叫大家都想試嘅台灣嘢食。我哋就決定要一個麵同一個飯。麵就揀左古法滷水五花肉麵，湯底好濃郁，仲唔會太鹹，飲晒成碗湯都唔口渴，而且五花肉份量都唔少，滷水味十足好入味😜然後到飯，我地揀左滷友豚三寶飯，豚肉三寶少不了五花肉，豬大腸同豬肚🐷，滷肉同埋五花肉真係配合得天衣無縫，五花肉肥瘦適中，軟腍嘅口感，連埋滷肉飯一齊食，真係超級正。加上豬肚都好爽口，豬大腸入口滑嫩，想試晒咁多款嘅一定要揀你嗰三寶飯。小食都好吸引呀，最後就決定叫滷水豆腐同台式酥炸雞。滷水豆腐滷水汁都好入味，豆腐勁滑溜溜。台式酥炸雞份量好多，即叫即炸趁着熱辣辣食仲脆卜卜，加咗少少蔥花，令到雞粒更加香。檸檬薏米水祛濕就一流啦，檸檬酸酸尾尾咁，加上粒粒薏米，口感更加豐富。